Süfrə

““ZADAGAN” Milli Brendinin şanlı Azərbaycan Ordusunun 44 günlük Vətən müharibəsində Müzəffər Qələbəsindən ruhlanaraq ərsəyə gətirdiyi yeni süfrə Qarabağın ən gözəl abidələri və mədəni irs nümunələrini özündə cəmləşdirib. Sadiqlik və məhəbbət rəmzi Xarıbülbül bu dəfə həm qoruyucu xalça ornamentlərindən ibarət haşiyələrlə, həm də Azərbaycanın ən gözəl istehkam məqsədli memarlıq abidələri sayılan Şuşa, Əsgəran, Şahbulaq qalaları və arzuları birləşdirən Xudafərin körpüsü ilə əhatə olunub. Qarabağ xalçalarına xas naxışlar burada təbiətlə ahəngdə məhz Xarıbülbülün rəngi ilə uzlaşaraq bahar nəfəsli çalarlarda təqdim edilib. “Vətən bağı”nda bir araya gələn bu süfrə sanki Ağa Bəyim Ağanın nisgilinə son qoyub, igidlərimizin şücaəti nəticəsində uzun illərin həsrətinə su səpərək cümlə Qarabağın sülh və əmin-amanlığının rəmzinə çevrilib. ZADAGAN yeni məhsulu ilə sizə süfrələrinizin bol ruzi-bərəkətli, ocağınızın qonaqlı-qaralı və həyatınızın sülh içində olmasını arzu edir.” 150×220