Süfrə

“Azərbaycan zənginliyi ilə seçilən tarixi ərazidir. Gözəl təbiəti və təbii sərvətləri ilə yanaşı, milli mədəni irsi, muğamı, memarlığı, tarixi də qürur mənbəyimizdir. Təbiətimizin bəhrələri, bu gözəl nemətlər isə həyatımıza dad və rəng qatır. Bu qeyri-adi torpaqda yetişən çoxsaylı lətif meyvə və tərəvəzlər sırasında dekorativ tətbiqi sənətdə yer alan bir meyvə də var. Bu, xurmadır. Payızda, ağacların yarpaqları töküləndə narıncı çıraqlara bənzəyən xurma insana enerji verməklə yanaşı, rəngi, forması və meyvələrin azaldığı mövsümdə tamı, vitamin zənginliyindən irəli gələn faydalılığı ilə bizə xüsusi emosional zövq və enerji bəxş edir. Qışın soyuğuna dözüb, baharın gəlişini gözləmək üçün təpər verir. Milli geyimli, kəlağayılı gözəlin əlində tutduğu sininin içindəki xurmalar, sanki pəncərədən ağ buludların arasından sezilən mas-mavi səmaya boylanıb bu gözəl ahəngə narıncı rəng qatmaqla günəşin zərrələrinə çevrilir və süfrəyə xüsusi bir istilik verir” 150×220