Süfrə

“ZADAGAN brendi dahi Azərbaycan şairi, mütəfəkkiri Nizami Gəncəvinin 880 illiyi münasibətilə “Nizami Gəncəvi ili”ndə “Yeddi gözəl” süfrəsini ərməğan edir. Dahi şairin dərin fəlsəfi məzmun kəsb edən və “Xəmsə”yə daxil edilmiş poemalar içərisində ideyası ilə fərqlənən “Yeddi gözəl” poemasının motivləri əsasında hazırlanan süfrə həmçinin Azərbaycan miniatür məktəbinin ən zərif xüsusiyyətlərini özündə birləşdirir. Orijinalda “Həft Peykər” – “Yeddi ulduz” adlanan əsər Sasani dövlətinin şahı Bəhram Gur haqqında əfsanə əsasında yaranıb və Təbriz miniatür məktəbinin banilərindən olan Sultan Məhəmmədin incə duyumu ilə cilvələnərək, sonda xalçalarımızın kompozisiyasında fəlsəfi mahiyyətinin şərhini tapıb. Süfrədə yeddi ölkənin şahzadəsi olan gözəllərin zəkası, rənglərin rəmzlər aləmi ilə daha da qüvvətlənərək bitkin formada insana təxəyyülün intəhasızlığını, gözəlliyin isə ağıla tabe olaraq ətrafımızda olan hər kiçicik bir xırdalıqda olduğunu göstərir. Azadlıq, ağıl və müdriklik ideyalarını aşılayan əsər, interyerinizə gözəllik və rahatlıq duyumu gətirəcək.” 150×220